უსაფრთხო და ჯანსაღი სამუშაო პირობების უფლება: შრომის უსაფრთხოებისა და ჯანმრთელობის დაცვის რეგულაციები და მათი იმპლემენტაცია საქართველოში (სამშენებლო ინდუსტრიის მაგალითი)
საკვანძო სიტყვები:
მშენებლობის უსაფრთხოება, კანონი შრომის უსაფრთხოების შესახებ, შრომი- თი უფლებები, უსაფრთხოების კულტურაანოტაცია
2019 წელს, საერთაშორისო პარტნიორებისა და შრომის უფლებების დამცველების მხრიდან წლების მანძილზე დერეგულაციისა და მუდმივი კრიტიკის შემდეგ, საქართველომ მოახდინა შრომის უსაფრთხოებისა და ჯანმრთელობის პოლიტიკის რეფორმის ინიცირება შრომის უსაფრთხოების დაცვის შე- სახებ კანონის მიღებით და შრომის ინსპექციის მანდატის გაძლიერებით მისი შრომის საერთაშორისო ორგანიზაციის (შსო) სტანდარტებთან შესაბამისობაში მოყვანის მიზნით. ადამიანის უფლებათა დაცვის სამოქმედო გეგმაში (2018-2020 წწ.) საქართველოს მთავრობამ შრომის უფლებების პოლიტიკის მთავარ მიზნად სამუშაო ადგილზე უსაფრთხოების კულტურის ხელშეწყობა განსაზღვრა. მიუხედავად იმისა, რომ ბოლო დროს მიღებული ნორმატიული ცვლილებები ოფიციალურად შეესაბამება საერთაშორისო სტანდარტებს, სამშენებლო და სამთო მრეწველობაში დაშავებულთა და დაღუპულთა რიცხვი კვლავაც მაღალი რჩება. წინამდებარე სტატია ყურადღებას ამახვილებს საქართველოს ჯანდაცვის რეგულაციებსა და მის იმპლემენტაციას შორის შეუსაბამობებზე სამშენებლო მოედნის მაგა- ლითზე, რომელიც მაღალი რისკის მქონე სამუშაო ადგილს წარმოადგენს. კვლევა ადგენს დამსაქმებლების, მუშათა წარმომადგენლების და ჯანმრთელობისა და უსაფრთხოების სპეციალისტების წინაშე არსებულ გამოწვევებს და აფასებს სახელმწიფოს როლს შრომის უსაფრთხოების დაცვის პოზიტიური კულტურის ხელშეწყობაში ყველა დაინტერესებულ მხარეს შორის. ანალიზი მოიცავს შრომის უსაფრთხოების დაცვის სამართლებრივ მიმოხილვას და ეყრდნობა ადგილზე განხორციელების პროცესში ჩართულ მხარეებთან ჩატარებული ინტერვიუს შედეგებს.
