ევროკავშირი-საქართველოს ურთიერთობები და დემოკრატიზაცია: რეფორმებისა და გამოწვევების ანალიზი
საკვანძო სიტყვები:
ევროკავშირი, საქართველო, ევროპის ინტეგრაცია, დემოკრატიული რეფორმები, სასამართლო დამოუკიდებლობა, საარჩევნო რეფორმები, ანტიკორუფციული ზომები, სოციალური განვითარებაანოტაცია
ამ ნაშრომის მთავარი მიზანი არის ევროკავშირის გავლენის კვლევა საქართველოს მიმდინარე დემოკრატიზაციის პროცესზე. ნამუშევარი – საქართველოსა და ევროკავშირს შორის არსებული სტრატეგიული პარტნიორობისა და ინტეგრაციის ძალისხმევების გავლენის დეტალურად შესწავლის მეშვეობით, აანალიზებს, თუ როგორ გახდა ევროკავშირი მნიშვნელოვანი პოლიტიკური, ეკონომიკური და სოციალური რეფორმების კატალიზატორი საქართველოში.
ამ ნაშრომში განხილულია რეფორმების ძირითადი სფეროები – პოლიტიკური მმართველობა, კანონის უზენაესობა, კეთილსინდისიერი საარჩევნო პროცესი და ანტიკორუფციული ღონისძიებები იმ მიზნით, რომ შეფასდეს მათი გავლენა საქართველოს დემოკრატიული მმართველობის განვითარებასა და ევროპის საზოგადოებაში ინტეგრაციის პროცესზე.
ევროკავშირის როლი ქვეყნის მიმდინარე დემოკრატიზაციის პროცესებში აშკარად იკვეთება. თუმცა, ნაშრომი, ასევე, ეხება ევროპის ოჯახში საქართველოს ინტეგრაციის სირთულეებსა და გამოწვევებს. ამ გამოწვევებს შორისაა ეროვნული სუვერენიტეტი, ეკონომიკური დამოკიდებულება, საქართველოს მიერ სხვადასხვა შეთანხმებებით აღებული ვალდებულებების შესრულების ხარვეზები, ასევე, სოციოკულტურული შეუთავსებლობა, რაც ხაზს უსვამს საქართველოს ინტეგრაციის უნიკალურობას.
აღნიშნული კვლევა ეყრდნობა რა სხვადასხვა წყაროს, მათ შორის, პოლიტიკურ დოკუმენტებს, საერთაშორისო ორგანიზაციების შეფასებებსა და აკადემიური ლიტერატურის ანალიზს, ის წარმოადგენს ერთგვარ დაბალანსებულ პერსპექტივას საქართველოს მიღწევებსა და გამოწვევებზე.
ნაშრომი, აგრეთვე, განიხილავს ევროკავშირსა და საქართველოს შორის ბილატერალური თანამ- შრომლობის სტრატეგიულ მნიშვნელობას და ორმხრივ სარგებელს, ასევე, სამომავლო თანამშრომლობის პოტენციალს. რადგან ევროპული ინტეგრაცია საქართველოს სტრატეგიული არჩევანია, ეს ნაშრომი ხელს უწყობს ევროკავშირის ტრანსფორმაციული გავლენის უკეთ გააზრებას საქართველოს დემოკრატიზაციის პროცესზე.
