მითი სამხრეთ კავკასიური იდენტობის შესახებ
ანოტაცია
სტატია მოიცავს სამხრეთ კავკასიის სამი სახელმწიფოს ისტორიულ შედარებით ანალიზს იმის დასამტკიცებლად, რომ სამხრეთ კავკასიის იდენტობა მხოლოდ მითია. კოლექტიური მეხსიერების თეორიის მიხედვით, მოვახდინეთ მნიშვნელოვანი ისტორიული ფაქტების გაანალიზება, რის შედეგადაც, მივედით იმ დასკვნამდე, რომ სამივე სახელმწიფო ერთმანეთისგან განსხავევბული გზით განვითარდა, განსხვავებული ჰქონდათ ყველა ისეთი ნაბიჯი, რომელიც მათ მომავალს საუკუნეების განმავლობაში ცვლიდა და განსხვავებული ჰქონდათ მიდგომა იმ შემთხვევაშიც კი, როდესაც მათი აგრესორი ქვეყანა ერთი იყო. კვლევის შედეგად, აიხსნება ევროკავშირის მცდარი თავდაპირველი მიდგომა, სამხრეთ კავკასია განეხილა ერთ რეგიონულ ჭრილში. აღნიშნული მიდგომა შეიცვალა მხოლოდ 2014 წელს, როდესაც საქართველო, მოლდოვასთან და უკრაინასთან ერთად, გახდა ევროკავშირის ასოცირებული წევრი, სომხეთი ევრაზიული კავშირის წევრი, ხოლო აზერბაიჯანი კავკასიის დუბაის პროექტად გამოცხადდა.
