ენერგო-ლიბერალიზაციის ეფექტი ევროკავშირში: ევროკავშირის ენერგეტიკული პოლიტიკისა და საკანონმდებლო ჩარჩოს შეფასება გარემოს დაცვისა და მომხმარებელთა კეთილდღეობის საკითხებთან მიმართებით. ლიტერატურის მიმოხილვა

ანოტაცია

ეს ნაშრომი წარმოადგენს ლიტერატურის მიმოხილვას, რომელიც იკვლევს ევროკავშირის ენერგეტიკული ბაზრის ლიბერალიზაციას, ასევე, მის ზეგავლენას მომხმარებელთა კეთილდღეობაზე, გარემოს დაცვასა და ევროკავშირის მართლმსაჯულების სასამართლოს როლზე ენერგეტიკული პოლიტიკის ჩამოყალიბებაში. კვლევა განიხილავს ენერგეტიკის ლიბერალიზაციის ისტორიული განვი- თარების პროცესს, მათ შორის, მიმოიხილავს იმ მნიშვნელოვან სამართლებრივ დოკუმენტებსა და პოლიტიკას, რამაც განსაზღვრა ევროკავშირის ენერგეტიკული სექტორის ჩამოყალიბება. ანალიზი ასახავს ბაზრის ლიბერალიზაციის, გარემოსდაცვითი მდგრადობისა და კონკურენციის სფეროებს შორის რთულ ურთიერთდამოკიდებულებას, ყურადღებას ამახვილებს მათი დაბალანსების გამოწვევებზე. ევროკავშირის მართლმსაჯულების სასამართლოს ზოგიერთი გადაწყვეტილების გავლენა, განსაკუთრებით, კონკურენციის სამართლისა და სახელმწიფო დახმარების კონტექსტში, შესწავლილია იმის საილუსტრაციოდ, თუ როგორ მოახერხეს ევროკავშირის ინსტიტუტებმა ნავიგაცია, როდესაც და- ძაბულობა იზრდებოდა ისეთი საკითხების განხილვისას, როგორებიცაა ხარჯების შემცირება, ბაზრის ეფექტურობა და გარემოს დაცვა. გარდა ამისა, ნაშრომი განიხილავს აღსრულებისა და შესაბამისობის საკითხებს და ამ კონტექსტში ხაზგასმულია, რომ მიუხედავად იმისა, რომ ევროკავშირის კონკურენ- ციის პოლიტიკამ წვლილი შეიტანა ბაზრის განვითარებაში, არსებობს მნიშვნელოვანი გამოწვევები გარემოსდაცვითი სტანდარტების თანმიმდევრულად  გამოყენების მიმართულებით. დასკვნა ასახავს გრძელვადიან პერსპექტივაში მომხმარებელთა ბენეფიტებსა და გარემოს დაცვით მიზნებს შორის ოპტიმალური ბალანსის მიღწევის სირთულეს, კომპლექსური გეოპოლიტიკური და მარეგულირებელი ლანდშაფტის კონტექსტში.