სწავლა-სწავლების თანამედროვე მეთოდების გამოყენება დისტანციური სწავლებისას (საქართველოსა და ევროკავშირს შორის პოლიტიკური და სამართლებრივი ურთიერთობების ზოგადი და პრაქტიკული ასპექტების შესახებ სალექციო კურსების მაგალითზე)
DOI:
https://doi.org/10.52340/gjes.2023.01.04ანოტაცია
კოვიდის პანდემიით გამოწვეულმა პრობლემებმა, არსებულმა უსაფრთხოების რისკებმა, რესურსის და დროის დაზოგვის საჭიროებამ და სხვა გარემოებებმა წინ წამოწია დისტანციური სწავლების შემდგომი განვითარების საჭიროება. წინამდებარე სტატიის მიზანია, დისტანციური სწავლების პირო- ბებში, თანამედროვე სწავლა-სწავლების მეთოდების გამოყენების შესაძლებლობების განხილვა. აღნიშნული წარმოდგენილია საქართველოსა და ევროკავშირს შორის პოლიტიკური და სამართლებ- რივი ურთიერთობების ზოგადი და პრაქტიკული ასპექტების შესახებ სალექციო კურსების მაგალითის მეშვეობით.
დისტანციურად ჯგუფური სწავლების მეთოდის გამოყენება ნაჩვენებია ევროკავშირსა და საქა- რთველოს შორის უვიზო მიმოსვლასა და მოქალაქეების გადაადგილებასთან დაკავშირებით პრეზენტაციაზე მუშაობის მაგალითზე. როლური სწავლების თემა განხილულია საქართველო-ევროკავშირის ასოცირების საბჭოს მუშაობის მოდელირების მეშვეობით, ხოლო ქეისის სწავლების მეთოდის გამოყენება წარმოდგენილია საქართველოსა და ევროკავშირს შორის ასოცირების შესახებ ხელშეკრულებით გათვალისწინებული ერთ-ერთი სექტორული რეფორმის მაგალითზე. პრობლემაზე დაფუძნებული სწავლების მეთოდის გამოყენების შესაძლებლობები ნაჩვენებია ანტიდასავლურ პროპაგა- ნდის წინააღმდეგ სტრატეგიული კომუნიკაციის თემის განხილვის ჭრილში.
განსაკუთრებული ყურადღება გამახვილებულია დისტანციური სწავლების დროს პრობლემების გადაჭრის შესაძლებლობებზე. ყველა თემასთან დაკავშირებით ყურადღება ეთმობა კრიტიკული აზრო- ვნების განვითარებისა და კრეატიული იდეების გენერირების ხელშეწყობას. აღნიშნულის ერთ-ერთ მიდგომად განიხილება სტუდენტების ინტერესის გაღვივება და სასწავლო პროცესში აქტიური მონაწილეობის უზრუნველყოფა. ასევე, განხილულია შეფასების სირთულეები და მათი მოგვარების პრაქტიკული გამოცდილება.
სტატიის ძირითადი მიგნებებია: დისტანციური სწავლებისას თანამედროვე მეთოდების გამოყე- ნება უფრო მეტ სირთულესთან არის დაკავშირებული, ვიდრე იგივე დისტანციური სწავლებისას ტრა- დიციული მეთოდების გამოყენება; ელექტრონული ტექნოლოგიების განვითარება და კრეატიული მიდგომა შესაძლებლობას გვაძლევს გადავლახოთ დისტანციურ სწავლებასთან დაკავშირებული თითქმის ყველა პრობლემა; ევროინტეგრაციის საკითხებზე საქმიანობასთან დაკავშირებული პრაქტიკული გამოცდილება გამოსადეგია სწავლა-სწავლების ახალი მეთოდების გამოყენებისას, რადგან ხელს უწყობს მასთან დაკავშირებული კომუნიკაციის სწორად დაგეგმვასა და მართვას.
